சதாகால கோவிந்த மாறர்
கோவிந்த மாறர் ஒரு மஹாஇசை மேதை. இவர் மூவாட்டுப்புழா என்ற ஊருக்கு அருகில் உள்ள ராமமங்கலத்தைச் சேர்ந்தவர்.இவர் செண்டை, உடுக்கு போன்ற கருவிகளை வாசிப்பவர்.மூட்டு வாத நோயால் இவருக்கு மிகவும் தொல்லை ஏற்பட்டது.அதன் பின் சுமார் ஆறு ஆண்டுக் காலம் ஹரிபாடு ராமஸ்வாமி பாகவதரிடம் வாய்ப்பாட்டுப் பயிற்சி பெற்று மிகவும் சிறந்த அழகிய இசையை வழங்கத் தன்னைத் தயார் செய்து கொண்டார்.ஏழு தந்திகள் கொண்ட விசித்ர தம்புராவை மீட்டியே பாடுவாராம்.
புனித ஸ்தல யாத்திரை மேற்கொண்ட மாறர் தமிழகத்தில் பல ஊர்களுக்கும் பயணம் செய்தார்.பல ஊர்களில் புகழ் பெற்ற இசை வடிவங்களைக் கற்றுக் கொண்டு வந்து ஸ்வாதித் திருநாள் முன் பாடினாராம்.குறிப்பாக ஸ்ரீத்யாகையரைச் சந்தித்த இவர், அவரது ஸ்ரீராம பக்தியை அடிக்கடி சபையில் எடுத்துக் கூறி அவரது கீர்த்தனைகளையும் உருகப் பாடுவது வழக்கம்.இவரைச் சந்தித்த வேளையில் தான் இவருக்கு மரியாதை செய்யும் வகையில் த்யாகையரும் ”எந்தரோ மஹானு” கீர்த்தனையை அருளினார்.வடிவேலுவுடன் மீண்டும் திருவையாற்றுக்குச் சென்று த்யாகையரை அழைக்க இவரே அனுப்பப்பட்டார்.
‘’சந்தன சர்ச்சித’’ எனத் தொடங்கும் அஷ்டபதியை இவர் மனம் உருகப் பாடக் கேட்ட த்யாகையர் ஆனந்தக்கண்ணீரால் அழுது ”எந்தரோ” கீர்த்தனையை அருளியுள்ளார்.எவ்வளவு கெஞ்சிக் கூத்தாடியும் அவர் திருவனந்தபுரம் வர சம்பதிக்கவில்லை.த்யாகையரின் பொருள் மீதான பற்றற்ற பக்தி மாறருக்கும் பாடமானது.எனவே அவரும் மஹாராஷ்ட்ராவில் பாண்டுரங்கன் முன் சதா பாடிக் களிக்கச் சென்று விட்டார், அனந்தபுரம் வரவே இல்லை.இதனால் ஸ்வாதித் திருநாள் மிகவும் வருந்தினார்.
