ஏழு கிணறு - 7 Wells

கி.பி 1772ஆம் ஆண்டில்  ஜார்ஜ் கோட்டை மற்றும் சென்னைப் பட்டிண வாசிகள் தண்ணீர்ப் பஞ்சத்தால் அவதியுற்றனர்.அதற்குத் தக்க தீர்வைக் காண முற்பட்டவர் கேப்டன் பேகர்.இவர் ஒரு பொறியாளர்.

அவரது தலைமையின் கீழ் இன்றைய மின்ட் பகுதியில் பத்து ஆழ் கிணறுகள் தோண்டப் பட்டன. ஏழில் மட்டுமே நல்ல குடிநீர் கிடைத்ததாம்.

அவற்றில் இருந்து மர ஏற்றம் மூலம் தண்ணீர் இரைக்கப் பட்டது.அதை நிலத்தடி சுடுமண் குழாய்கள் மூலம் ஊருக்குள்ளும் ஜார்ஜ் கோட்டைக்குள்ளும் கொண்டு வந்தனர்.

அப்பகுதியில் வீராசாமித் தெருவில் தான் அருட்பெருஞ்சோதி வள்ளலார் வாழ்ந்த வீடு இன்றும் உள்ளது.இன்று இப்பகுதி ”வள்ளலார் நகர்” எனப்படும்.

மிகப் பழங்கால வீடுகளைப் பார்க்க வேண்டும் என்பவர்கள் இங்கே அவற்றைக் காணலாம்.